Албанскиот премиер Еди Рама денеска изјави дека етикетирањето на Албанците како причина за криминалот во Велика Британија не соодветствува со фактите и ја повика земјата да престане да ги дискриминира Албанците за да ги оправда неуспесите на нејзината политика.
-Тергетирањето на Албанците (како што некои неславно правеа кога се бореа за Брегзит) како причина за британскиот криминал и проблемите на границата создава лесна реторика, но игнорира тешки факти. Да се повторуваат истите работи и да се очекуваат различни резултати е лудо (прашајте го Ајнштајн)!“, напиша Рама на Твитер, во врска со изјавите на некои функционери на Велика Британија, кои неодамна ги обвинија Албанците дека се членови на криминални групи, пишува Косово онлајн.
Рама вели дека 70 отсто од 140.000 Албанци кои се преселиле во Велика Британија живееле во Италија и Грција, дека 1.200 од нив се деловни луѓе и дека Албанците во Велика Британија напорно работат и плаќаат даноци.
„Обединетото Кралство треба да се бори против криминалните групи од сите националности и да престане да ги дискриминира Албанците за да ги оправда неуспесите во политиката“, истакна Рама.