Во последно време многу се зборува за отсуството на Расел Кроу од новото продолжение на „Гладијатор“.
Актерот, кој денес има 60 години, доби Оскар за најдобар актер во 2001 година за неговата улога во првиот филм. Тој го играше римскиот генерал Максимус кој е принуден да се бори за живот во Колосеумот.
Кроу претходно изрази чувства на FOMO (страв од пропуштање) откако не беше вклучен во продолжението, кое повторно го режира Ридли Скот. Во 2023 година, тој му кажа на „Колајдер“ дека е „малку љубоморен“ затоа што, гледајќи наназад, „јас бев многу помлад човек, очигледно, и тоа беше големо искуство во мојот живот“. Кроу додаде дека „Гладијатор“ сè уште има посебно место во неговото срце.
Потоа, во јуни 2024 година, Кроу на поткаст рече дека му е „малку непријатно“ бидејќи неговиот лик е мртов и „јас немам збор за тоа што ќе се направи“ во идните приказни: „Не можам да кажам било што. Погребан сум“, рече тогаш.
Скот, кој зборуваше за третото филмско продолжение, исто така изјави за „Екстра“ дека има отфрлена верзија на сценариото за продолжението каде Максимус се вратил од задгробниот живот: „Единствениот начин да го вратиш од мртвите беше да го вратиш преку лик што умира. Единствениот проблем е што Расел изгледа како воин на умирање“.