Развиен метод за дијагностицирање на аутизам со скенирање на окото

Научниците од Хонг Конг го развија првиот метод во светот за дијагностицирање на аутизам со скенирање на окото, објави „South China Morning Post“.

За студијата беа користени специјални камери достапни на пазарот и компјутерска анализа на слики. Овој брз и неинвазивен метод беше во можност да идентификува знаци на нарушување на аутистичниот спектар кај деца со точност од 96 проценти.

„Резултатите се покажаа доста неочекувани и многу подобри отколку што замислувавме“, рече Бени Ци, шеф на истражувачкиот тим на Кинескиот Универзитет во Хонг Конг.

Според него, новиот метод може да открие ризик од аутизам дури и кај доенчиња, но тоа е предмет на дополнителни тестови. До моментов, истражувањето опфатило 46 деца.