Американската компанија “Локхид Мартин” ја објави јавно идејата за нова генерација шпионски авион од семејството U-2 – тактички разузнавачки авион наречен TR-X.
Бидејќи американските воздухопловни сили планираат да го пензионира во 2019 година U-2 Dragon Lady на “Локхид”, компанијата излегува со предлог за нова генерација такви авиони, за новинарите изјави Скот Уинстед, еден од шефовите во програмата U-2.
Од “Локхид Мартин” сеуште работат на способностите на TR-X за разузнавачки и набљудувачки мисии, кој ќе се користи во следните децении. TR-X ќе изгледа слично на U-2, со користење на предностите на моторот на “Џенерал Илектрик” F118, и ќе носат слична техничка опрема. Авионот ќе дејствува на околу 22 километри над земјината површина, додаде Уинстед, цитиран од “Дифенс њуз”.
Од “Локхид Мартин” работат на зголемување на силата и ладењето за да може да се развијат оптимално новите сензори, како и врз модерен комуникациски систем кој ќе биде во можност да се поврзе со борбените авиони од четврта и петта генерација.
Авионот ќе биде во согласност со стандардите на американските воздухопловни сили за користените технологии во него . За него во иднина може да бидат развиени и поставени и дефанзивни ласерски оружја.