Состојки:
(за 24 брускети)
Фил:
-6 домати, исецкани на коцки
-8 г листови свеж босилек, исечкани
-5 чешниња лук
-балсамико оцет
-маслиново масло
-1/2 лажичка морска сол
-1/4 лажичка бибер
Брускети:
-1 багет
-3 лажици маслиново масло
-35 г рендан пармезан
Подготовка:
Измијте ги и исечкајте ги доматите на коцки. Исцедете го вишокот сок и префрлете ги коцките во посебен сад.
Наредете ги листовите босилек па со остар нож ситно исечкајте ги на ленти и префрлете ги во садот со доматите.
Ситно исецкајте го и лукот. Измешајте една кафена лажичка со три лажици маслиново масло и оставете го на страна, а преостанатиот лук истурете го во смесата со домати.
Зачинете ги доматите со две лажици маслиново масло, една лажица балсамико оцет, половина лажичка сол и четвртина лажичка бибер. Полека измешајте сè за да се соедини и оставете да се маринира 15 до 30 минути.
Загрејте ја рерната на 200˚C.
Исечете ја багетата дијагонално на кришки дебели околу еден сантиметар. На плех ставете хартија за печење и наредете го лебот.
Секое парче премачкајте го со маслиново масло натопено со лук од двете страни, а потоа посипете пармезан одозгора.
Се пече во загреана рерна околу пет минути додека брускетата не порумени.
На жешките брускети ставете го подготвениот прелив од домати, а дополнително посипете со маслиново масло и балсамико.