Речиси половина од Германците стравуваат од потенцијални терористички напади за време на Европското фудбалско првенство во Германија во 2024 година, покажа анкетата во средата.
Истражувањето на YouGov спроведено во соработка со Институтот Sinus покажа дека 12 отсто од испитаниците се многу загрижени, додека 35 од нив се донекаде загрижени.
Од друга страна, 24 отсто од анкетираните не се плашат од напад, а 12 отсто воопшто немаат страв.
Шеснаесет проценти од испитаниците немаат став за ова или не одговориле на прашањето.
Истражувањето покажа и дека речиси половина од испитаниците (46 отсто) се изјасниле дека се рамнодушни кон претстојното првенство.
Единаесет отсто се против, а 32 отсто се среќни.
Истражувањето е спроведено од 18 до 25 април на примерок од 2.065 луѓе.
Шампионатот започнува на 14 јуни со мечот меѓу Германија и Шкотска во Минхен, а финалето е закажано за 14 јули во Берлин.