Францускиот производител на автомобили Renault во вторникот објави нова деловна стратегија која носи трансформација на компанијата и поделба на операциите на пет бизниси, а веќе потпиша рамковен договор со кинескиот производител на автомобили Geely за основање заедничка компанија за развој и производство на нова генерација на водородни и високоефикасни мотори со внатрешно согорување.
Оваа компанија, во која Французите и Кинезите ќе имаат акции во сооднос 50:50, првично, како што се најавува во соопштението, би ги снабдувала Renault, Dacia, Geely Auto, Volvo, Proton, Nissan и Mitsubishi.
Што се однесува до производството на електрични автомобили, најавено е дека компанијата ќе котира на берзата следната година, како што објави Ројтерс, но Renault ќе го задржи мнозинскиот удел. Патем, Renault веќе се обврза да биде целосно електрифициран во Европа до 2030 година.
Тие објаснуваат и дека Renault ќе бара нови инвеститори за секоја своја поделба и дека прашање е како ќе реагира нивниот долгогодишен партнер, јапонскиот Nissan, или како ќе изгледа тој сојуз во иднина.
Јапонскиот производител на автомобили се очекува да преземе сопственички удел во производителот на електрични автомобили Ampere, но генерално е резервиран за споделување технологија со други инвеститори, вклучувајќи го и кинескиот Geely.
Покрај тие два бизниси, Renault ќе има и бизнис поврзан со брендот на спортски автомобили Alpine, потоа со финансиски услуги и со нова мобилност и рециклирање, а раководството верува дека на овој начин ќе се фокусира на структурно попрофитабилни активности.