Renault Clio, најпродаваниот француски модел – градски автомобил што го избраа 16 милиони возачи во 32-годишното производство, сега има нов опширен редизајн. Новите помодерни црти веднаш го привлекуваат вниманието, заедно со поостриот лик со целосни LED светла и новото лого, но има и иновации во внатрешноста, како и под каросеријата. Боите на предниот дел од автомобилот (потемни околу логото и посветли кон рабовите) создаваат впечаток на длабочина и техничка прецизност. На предниот дел на верзиите Techno и Esprit Alpine се наоѓа преден спојлер, инспириран од светот на моторните спортови. Задниот браник исто така е преработен: аеродинамичните отвори за воздух визуелно го прошируваат задниот дел, го подобруваат држењето и ја нагласуваат техничката моќ на автомобилот.
Подобрена е и технолошката опрема на Cliо, па сите верзии на новиот модел имаат контролна табла. На контролната табла има дигитален екран без рамка, кој во зависност од верзијата е со димензии 7 или 10 инчи. Големиот централен екран на допир е инсталиран вертикално, како во новиот модел на Austral. Во патничката кабина наоѓаме и нови тапацири и нови материјали од биолошки извори, што ја одразува посветеноста на Renault за одржлив развој. Имено, седиштата, облогите на вратите и контролните табли на верзијата Techno се покриени со специјално развиена одржлива ткаенина со 60 проценти од модалните влакна TENCEL – целулозни влакна од биолошки извори произведени од Lenzing Group. Во согласност со стратегијата за елиминирање на јаглеродниот отпечаток, новиот Clio е првиот модел на Renault што широко ги користи модалните влакна TENCEL. Познати по својата исклучителна мекост, овие влакна се добиваат од обновлив извор – природно дрво кое потекнува од полуприродни европски шуми кои се одржливо управувани и растат без употреба на хемиски ѓубрива или вештачко наводнување и апсорбираат големи количини на јаглерод диоксид
Новиот Clio има 20 напредни системи кои го прават возењето полесно и побезбедно за возење и паркирање. Меѓу најважните карактеристики, треба да се истакне полу-автоматската помош за возачот, 360-камера и автоматско кочење во итни случаи со сензори за препознавање на велосипедисти и пешаци. Понатаму, Clio нуди најширок асортиман на мотори во својата класа. Неговата потрошувачка изнесува само 4,1 l/100 km просечно и испушта 93 g CO2 на km. Без оглед на стилските промени во внатрешноста, Clio ги задржа пропорциите на својот претходник: долг е 405,3 cm, широк 198,8 cm и висок 143,9 cm.