Групацијата Renault забележа нето загуба во првата половина од годината, што се должи на напуштањето на деловните операции во Русија по инвазијата на Кремљ врз Украина.
Загубата на францускиот производител на автомобили изнесува 1,36 милијарди евра, наспроти добивката од 354 милиони евра во истиот период минатата година.
Групацијата забележа полугодишна нето загуба од 1,66 милијарди евра, вклучително и загуба од 2,3 милијарди евра од прекинатите операции поради безготовинско прилагодување поврзано со продажбата на руските индустриски активности.
Сепак, Renault се надева дека бизнисот ќе се промени.
„По компензирање на загубата на своите активности во Русија и продолжување на својата брза трансформација, Groupe Renault ги подобрува своите финансиски проекции за цела 2022 година“, рече извршниот директор Лука де Мео. „Целата наша енергија е мобилизирана за да ја трансформираме групацијата во конкурентен, технолошки и одржлив играч“, додаде тој.
Во истиот шестмесечен период во 2021 година, групацијата оствари нето добивка од 368 милиони евра. Сепак, нето добивката од континуираното работење на групацијата се зголеми на 657 милиони евра, наспроти 199 милиони евра во истиот период лани.
Приходите на групата се зголемија за 0,3 отсто на 21,1 милијарди евра во првата половина, но глобалната продажба падна за 11,9 отсто во текот на периодот. Без влијанието на промените на девизниот курс, приходите се зголемени за 1,1 отсто.