Репликата на Вики Џенсон и Ендрју Адамсон на живеалиштето на насловниот лик на анимираниот филм „Шрек“, лоцирана на околу 100 километри јужно од градот Инвернес, на имотот Ардверики, е достапна за изнајмување.
Колибата за одмор на локација опишана како „мочуриште покриена со кал, мов и матна вода“ е нова понуда за сместување на Airbnb во шкотските висорамнини како најнова во серијата еднократни понуди инспирирани од филм или ТВ шоу.
Посетителите можат да очекуваат верна копија – дрвен мебел, бања на 20 метри од колибата, шума… Тие ќе можат да уживаат и во разгледувањето на знаменитостите бидејќи мочуриштето се наоѓа недалеку од Лох Лаган и Националниот парк Кернгормс.
Туристите се поканети да се пријавуваат од 13 октомври за престој во мочуриштето од 28 до 29 октомври, а куќата на Шрек може да прими најмногу тројца гости на возраст над пет години. Тие ќе треба сами да организираат патување до и од локацијата, но нивниот престој е бесплатен.
Исто така, „Airbnb“ се обврза да направи еднократна донација на непрофитна организација која организира одмори за ранливите деца во Шкотска.