Репортери без граници денеска го ставија унгарскиот премиер Виктор Орбан на листата на „предатори“.
Во извештајот се наведува дека Орбан „масовно го потиснал“ слободниот печат во Унгарија, користејќи „разни предаторски техники“.
„Тој стабилно и ефикасно ги поткопува плурализмот и независноста на медиумите од враќањето на власт во 2010 година“, се вели во соопштението на РБЗ.
Ова е првпат лидер на земја на ЕУ да се најде на списокот на Репортери без граници, организација со седиште во Франција.
„Методите може да бидат суптилни или дрски, но тие се секогаш ефикасни“, се вели во извештајот, повикувајќи се на владејачката партија Фидес да управува со 80 проценти од медиумите, кои се купени од неговите сојузници.
Приватните медиуми во Унгарија се дискриминирани кога станува збор за пристап до информации и владино рекламирање, но исто така се оцрнуваат како снабдувачи на „лажни вести“.
Портпаролот на унгарската влада Золтан Ковач го оспори извештајот и рече дека РБЗ треба да се нарече „Лажни вести без граници“.