Републиканската конгресменка Клаудија Тени го номинираше поранешниот американски претседател Доналд Трамп за Нобеловата награда за мир.
„Доналд Трамп беше клучна фигура во олеснувањето на првите мировни договори на Блискиот Исток во последните 30 години“, изјави Тени за Fox News Digital.
Според неа, бирократите, професионалците од областа на надворешната политика, како и меѓународните организации со децении тврдат дека се невозможни дополнителни договори на Блискиот Исток без решение на израелско-палестинскиот конфликт, а претседателот Трамп покажа дека тоа е не е вистина.
„Нобеловата награда беше признание за мировниот договор меѓу Израел и Египет во 1978 година, како и за Договорот од Осло во 1994 година, меѓутоа немаше признавање на улогата на Трамп во посредувањето во договорот меѓу Израел и четворица негови арапски соседи, чија цел беше нормализирање на економските и дипломатските односи“, рече Тени.
Таа додаде дека напорите на Доналд Трамп насочени кон постигнување на Абрахамовиот договор се без преседан и остануваат непризнаени од Нобеловиот комитет.
„Повеќе од кога било, бидејќи слабото лидерство на Џозеф Бајден на меѓународната сцена ја загрозува безбедноста на нашата земја, мораме да му оддадеме признание на Трамп за неговото силно лидерство и неговите напори за постигнување светски мир. Чест ми е што можам да го номинирам поранешниот претседател Трамп и нестрплива сум додека чекам тој да го добие признанието што го заслужува“, рече таа.