Нема куќа на Балканот каде трпезата може да помине без некое јадење со компири. Дали ќе биде супа, пире од компири или салата од компири, во принцип, не е важно, само ретко ручек поминува без овој зеленчук.
Затоа за вас подготвивме рецепт за салата со компири и пилешко.
Покрај тоа што е вкусна и лесна за подготовка, оваа салата е и доста практична бидејќи може да се служи и топла и ладна.
Состојки:
500 гр пилешко месо
1 кг компир
3 моркови
1 главица црвен кромид
3 краставици
180 гр павлака
2 лажици мајонез
сол, бибер
магдонос
зачини по вкус
Подготовка:
Во лонец ставете околу 1,5 литри вода и ставете ги компирите, морковите и пилешкото месо, па оставете ги да се варат на тивок оган.
Сварениот зеленчук, пилешкото, краставиците и кромидот исечкајте ги на ситни коцки, а потоа ставете ги сите во една голема чинија.
Додадете сол, бибер и зачини по желба, па измешајте сè заедно со мајонезот и павлаката.
Јадењето е готово веднаш потоа, а може да се јаде и ладно.
На здравје!