[РЕЦЕПТ] Пилешка чорба со пиперки

Состојки:
500 г пилешки копани
500 г пилешки крилца
1 кромид, ситно исечкан
1-2 лукчиња
2 лажички масло
1 слатка зелена пиперка, исечкана
1 слатка црвена пиперка, исечкана
1 домат, сецкан
50 мл павлака за готвење
1 супена лажица брашно
сол и бибер по вкус
Подготовка:
Во садот за готвење додадете ги маслото и кромидот. Од менито одберете програма за готвење и поставете на времетраење 12 минути. Притиснете старт и пржете го кромидот мешајќи за околу 5 минути. Потоа додадете го пилешкото и пржете без капак.
Кога месото ќе се испржи додадете зачини, лук, исечени домати и пиперки. Прелијте со вода колку да се покријат производите. Одберете програма за динстање и поставете време за готвење 50 минути. Измешајте ги павлаката и брашното до добивање на хомогена смеса. Неколку минути пред крајот на програмата отворете го капакот и истурете ја кремастата смеса во садот и мешајте.