Поранешниот американски помошник државен секретар и некогашен амбасадор во земјава Филип Рикер, во интервју за „Сител“ вели дека граѓаните на С.Македонија се фрустрирани и незадоволни од напредокот во однос на корупцијата.
-Овде не се работи за партии, ова е за одлуки на земјата во целина. Сите треба да кажат дека ќе го промениме ова. САД го поддржаа тоа, изјави Рикер.
Посочи дека САД инвестираат во реформските напори преку најразлични програми за да ги помогнат судските реформи, за што изминативе години вложиле нешто над 560 милиони долари.
Во однос на договорот со „Бехтел и Енка“ за изградбата на коридорите 8 и 10д, Рикер нагласува дека постојат процеси и процедури кои се пропишани со закони, правила и регулативи за реализација на вакви проекти.