Рим до Ватикан: Не се мешајте во Законот за борба против хомофобијата

Италијанскиот премиер Марио Драги изјави денеска дека Италија е секуларна држава, предупредувајќи го Ватикан да не се меша во парламентарната расправа за нацрт-законот за борба против хомофобијата.

Ватикан протестираше во Италија на почетокот на јуни поради нацрт-законот, тврдејќи дека во сегашната форма може да ги ограничи верските слободи на Католичката црква во Италија, според Ројтерс.

„Ние сме секуларна, а не религиозна држава. Парламентот секако е слободен да дебатира и да донесува закони“, рече Драги во Сенатот, горниот дом на парламентот.