Производителот на електрични хиперавтомобили и погонски системи за електронски возила, „Rimac Automobili“, ќе излезе на берза следната година, објави магазинот „Менаџер“, додека од „Rimac“ велат дека сè уште не е донесена одлука во кој правец да се оди.
Повикувајќи се на извори запознати со ситуацијата, споменатото списание исто така објави дека компанијата има за цел да постигне вредност од приближно 5 милијарди евра со излегување на берзата, пренесува „Н1“.
Заедно со „Porsche“, кој инвестираше 70 милиони евра во компанијата и со тоа го зголеми своето учество во сопственоста на таа компанија на 24 проценти, наскоро ќе го преземе и „Bugatti“. Според магазинот, „Rimac“ ќе преземе 55% од акциите, а „Porsche“ 45% од акциите.
Од „Rimac Automobili“ за „Хина“ изјавија дека работат на стратешко партнерство со „Bugatti“, но дека засега не можат да го коментираат тоа.
На прашањето за првичната јавна понуда на акции на берзата, тие велат дека разгледуваат различни можности, но дека сè уште не е донесена одлука во кој правец да се оди.