Мате Римац на својот Фејсбук објави дека неговата компанија „Римац Груп“ бара големи засилувања, а секој што ќе препорача вработен ќе биде награден со дури 1.000 евра бруто.
– Како што се зголемуваме со големи производствени проекти за светските автомобилски компании во изградба и во подготовка, се шириме на сите нивоа. Овој пат бараме засилувања во набавката и логистиката“, напиша Римац. Секој што ќе препорача кандидат, а тој на крајот ќе се вработи, ќе биде награден со 1.000 евра (бруто) – без разлика дали сте вработен во „Римац Груп“ или не“, објави Римац, пишува Пословни.хр.
Римац бара искусни експерти во областа на набавките и логистиката кои би ја преземале одговорноста за повеќето делови од големите проекти, напиша Римац, наведувајќи пример.
– Лицето ќе биде одговорно за набавка на материјали и компоненти за батеријата или погонскиот систем што ги развиваме и произведуваме во стотици илјади единици за голема автомобилска компанија, напиша тој.
Смета дека се работи за сложени проекти кои не се за почетници и побара од сите заинтересирани да не препорачуваат неквалификувани и неискусни кандидати.
– Додадовме над 450 луѓе во нашиот тим во 2021 година (не сметајќи ги колегите кои ни се придружија од „Бугати“) и планираме да вработиме над 700 луѓе во 2022 година – затоа држете ги очите отворени за позициите што ви одговараат, вели Римац.