Семејството на Роберт Де Ниро (79) штотуку стана поголемо, а портпаролот на актерот потврди за Page Six во вторникот дека актерот го дочекал своето седмо дете.
Портпаролот не го откри името или полот на новото дете на Де Ниро.
Во меѓувреме, во понеделникот, познатиот актер се најде на насловните страници за корегирање на новинарот на „ЕТ Канада“ кој рече дека е татко на шест деца, појаснувајќи дека „штотуку го добил седмото дете“.
Де Ниро и неговата партнерка Тифани Чен ја објавија својата врска минатата година кога беа фатени како заедно го прославуваат неговиот 78 роденден во Франција. Двојката се запознала во 2015 година за време на снимањето на филмот „Приправник“.
Една од најголемите холивудски ѕвезди за прв пат стана татко во далечната 1971 година, кога тој и неговата тогашна сопруга Дијана Абот ја добија ќерката Дрена, која денес има 51 година. Поранешниот пар се родители и на синот Рафаел (46).
Покрај тоа, Де Ниро ги има и синовите близнаци Арон и Џулијан (27) со поранешната девојка Туки Смит, како и синот Елиот (25) и ќерката Хелен (11) со поранешната сопруга Грејс Хајтауер.