Романската министерка за надворешни работи Оана Коју најави дека ќе го покрене прашањето за руските упади во воздушниот простор на Романија и другите земји-членки на НАТО на Генералното собрание на Обединетите нации (ГСОН), повикувајќи на строго меѓународно почитување на санкциите.
„Народот на Романија никогаш не бил во опасност, но ваквите постапки на Русија се неприфатливи и неодговорни. Романија го осудува однесувањето на Русија и презема потребни мерки за заштита на својот суверенитет и безбедност“, сподели романската министерка во објава на социјалната мрежа X.
Коју рече дека романските власти се во постојан контакт со партнерите од Европската Унија и НАТО во врска со „руските провокации“ и ја повика Унијата брзо да усвои нов пакет санкции против Русија.