Кристијано Роналдо стана првата личност на светот која на Инстаграм има повеќе од 200 милиони следачи.
Според многумина тој е еден од најдобрите фудбалери на сите времиња, а има изградено база на фанови во сите делови од светот. Португалската ѕвезда стана фудбалска икона благодарение на достигнувањата во Манчестер, мадридскиот Реал и Јувентус, а сега стана и првата личност со 200 милиони фанови на Инстаграм
https://www.instagram.com/p/B76UQsQIHSU/?utm_source=ig_embed
Оваа сезона петкратниот освојувач на Златната топка во италијанската лига во 18 натпревари забил 17 гола. Роналдо се надева на освојување на Лига на шампионите со Јувентус.
Роналдо е и најдобар стрелец на УЕФА натпреварите со 171 гол, беше и прв играш кој запишал 100 победи во Лигата на шампионите, а тоа се само дел од неговите рекорди на кои сега им се придружи и рекордот „крал на Инстаграм“.
На второ место најследени ѕвезди на Инстаграм се наоѓа Ариана Гранде со 173 милиони следачи, додека на третото место е Двејн Џонсон со околу три милиони помалце од неа.