Рубљата на најниско ниво во однос на доларот од март 2022 година

Руската рубља денеска го достигна најниското ниво од 24 март 2022 година, покажуваат официјалните податоци на руската Централна банка.

Официјалниот курс на руската Централна банка денеска изнесуваше 102,58 рубљи за долар, односно над симболичниот праг од 100, додека еврото се менуваше за 107,43 рубљи.

На падот на вредноста на рубљата влијае вчерашниот напад врз Украина со хиперсонична ракета и новите американски санкции насочени кон „Газпромбанк“, финансискиот огранок на „Газпром“.