Русија ги завршува спасувачките операции во Турција и Сирија

Министерот за вонредни ситуации на Русија, Александар Куренков, денес изјави дека Москва ги повлекува спасувачките тимови од Турција и Сирија, земји кои беа погодени од разорниот земјотрес на 6 февруари.

„Спасувачката операција завршува. Тешка опрема е вклучена во отстранувањето на урнатините“, рече Куренков за време на телеконференција со руските оперативни групи во Турција и Сирија, пренесува ТАСС.

Куренков додаде дека рускиот претседател Владимир Путин „со оглед на овие околности“ одлучил да ги повлече групите на руското Министерство за вонредни ситуации.