Русија го потврди продолжувањето на договорот за жито

Министерството за надворешни работи на Русија денеска соопшти дека договорот за жито автоматски ќе биде продолжен за четири месеци во истиот формат, но предупреди и дека секој обид да се искористи хуманитарниот коридор за извоз на жито во Црното Море за провокативни воени цели, ќе бидат одлучно потиснати.

Како што се објаснува во соопштението, договорот за житото што на 22 јули во Истанбул го потпишаа Русија, Турција, Украина и ОН автоматски се продолжува за 120 дена во истиот формат, бидејќи ниту една страна немала приговор.

„Руската страна остава и можност за техничко продолжување на Црноморската иницијатива без никакви промени во однос на рокот и опсегот“, се прецизира во соопштението.