Портпаролот на Кремљ Дмитриј Песков денеска изрази сомневање дека отфрлањето на примирјето предложено од Русија од страна на советникот на претседателот на Украина Володимир Зеленски Михаило Подољак ја одразува позицијата на украинскиот шеф на државата, Володимир Зеленски, пренесува „Интерфакс“.
„Тешко ни е да процениме дали мислењето на Подољак ја одразува позицијата на претседателот на Украина“, рече Песков, пренесе Ројтерс.
Зеленски се уште не го коментирал предложеното примирје за време на православниот Божиќ, соопшти агенцијата.
Украинскиот министер за надворешни работи Дмитро Кулеба на Твитер објави дека рускиот договор за прекин на огнот „не може и не треба да се сфати сериозно“.
President @ZelenskyyUa has proposed a clear Peace Formula of ten steps. Russia has been ignoring it and instead shelling Kherson on Christmas Eve, launching mass missile and drone strikes on New Year. Their current “unilateral ceasefire” can not and should not be taken seriously.
— Dmytro Kuleba (@DmytroKuleba) January 5, 2023
Пентагон денеска соопшти дека светот е длабоко скептичен за повикот на рускиот претседател Владимир Путин за 36-часовен прекин на огнот во Украина по повод Божиќ.
Портпаролот на Пентагон, бригадниот генерал Патрик Рајдер, изјави за новинарите дека постои значителен скептицизам во САД и во целиот свет во однос на повикот на Русија за прекин на огнот, имајќи предвид дека Русија, како што наведе, веќе долго време шири пропаганда и дезинформации и безмилосно ги напаѓа украинските градови. и цивили.
Рајдер нагласил дека фокусот на САД останува на поддршката на Украина.