Русија побара од својот Врховен суд да го прогласи украинскиот полк Азов за терористичка организација.
„Судењето на украинското паравоено националистичко здружение Азов (други имиња: Азов баталјон, Азовски полк) како терористичка организација и забраната за активностите на Азов во Руската Федерација е закажано за 26 мај“, соопшти руското Министерство за правда, пренесе Ројтерс.
The #Russian Justice Ministry has asked the Supreme Court to declare the "Azov" battalion a terrorist organization.
Earlier, MP Slutskyy said that "#Azov" fighters deserved the death penalty. pic.twitter.com/f0c9MVXw7R
— NEXTA (@nexta_tv) May 17, 2022
Оваа вест е објавена откако синоќа од челичарницата Азовстал беа евакуирани украински борци, од кои голем дел се членови на Азов.
Портпаролот на Кремљ нема коментар
Претходно, портпаролот на Кремљ одби да коментира дали бранителите на челичарницата, кои сега се во руски притвор, ќе бидат третирани како воени затвореници или воени злосторници.
Некои борци од Азов биле поврзани со националистички и екстремно десничарски групи. Подоцна полкот беше вклучен во Украинската национална гарда.