Русија и Украина го потпишаа првиот договор од почетокот на војната

Рускиот министер за одбрана Сергеј Шојгу во име на Русија потпиша договор за извоз на жито со Украина, Турција и ОН.

Потпишувањето на договорот се случи во Истанбул во палатата Долмабахче во присуство на турскиот претседател Реџеп Таип Ердоган и генералниот секретар на ОН, Антонио Гутереш.

Претходно, украинската страна го потпиша истиот договор за извоз на жито.

Се верува дека договорот обезбедува премин на жито и основни добра, како што е сончогледово масло од три украински пристаништа, вклучително и Одеса, дури и додека конфликтот беснее на други места во земјата.