Русија издаде налог за пејачката Сузана Џамаладинова, која победи на Евровизија во 2016 година како претставничка на Украина
Руските државни медиуми објавија дека базата на податоци на Министерството за внатрешни работи на Русија наведува дека пејачката Сузана Џамаладинова се бара поради кршење на кривичниот закон.
Независниот портал „Медиазона“ објави дека Џамаладинова е обвинета врз основа на закон усвоен минатата година со кој се криминализира „намерното дистрибуирање на лажни информации“ за операциите на руските вооружени сили во странство.
Џамаладинова, која настапува под уметничкото име Џамала, со татарско потекло, е од Крим. Таа победи на Изборот за песна на Евровизија во 2016 година со песната „1944“, која е година кога Советскиот Сојуз масовно ги депортира Кримските Татари.
Две години пред нејзината победа, во 2014 година, Русија го анектира Крим, кој повеќето земји во светот го сметаат за нелегитимен чин.
Иако Русија и Советскиот Сојуз не беа директно спомнати во текстот на песната, Русија протестираше што „1944“ е дозволено на натпреварот, велејќи дека тоа го прекршува правилото дека не е дозволен политички контекст во песните на Евровизија.