115
Руското Министерство за одбрана во понеделникот ја обвини Украина за обид за напад на нејзините бродови во Црното Море, што според него е закана за изгледите за договор за извоз на жито.
„Терористичките акции на режимот во Киев се закануваат со следно продолжување на договорот за жито по 18 мај оваа година“, се вели во соопштението на нивниот канал Телеграм.
Од друга страна, украинските трупи зазедоа позиции на источниот брег на реката Днепар во јужниот дел на Херсонската област, покажуваат извештаите.
Станува збор за регион кој е делумно под контрола на руските сили, така што преминувањето на реката може да се покаже како многу важно во идната украинска контраофанзива, наведува Би-Би-Си.
Институтот за проучување на војната, како и руските воени блогери, објавија „доволна количина на геолоцирани снимки кои го потврдуваат“ преминувањето на Украина преку реката Днепар до источниот брег, додава Би-Би-Си.