Москва соопшти дека нема обврска да му пружи помош на Иран во случај на американски напад, откако американскиот претседател Доналд Трамп го предупреди Техеран дека Иран мора да се откаже од развојот на нуклеарно оружје.
Трамп во понеделникот рече дека САД директно преговараат со Иран за неговата нуклеарна програма, за која западните земји стравуваат дека може да се користи за воени цели. Техеран тврди дека програмата се користи за мирољубиви цели, а средбата во Оман ќе се одржи преку посредници.
„Доколку преговорите пропаднат, тоа ќе биде многу лош ден за Иран“, рече американскиот претседател. Трамп претходно се закани со бомбардирање и дополнителни санкции доколку двете земји не постигнат договор за ова прашање.
Рускиот заменик министер за надворешни работи Андреј Руденко изјави дека американскиот напад врз Иран ќе има сериозни последици за регионот, но дека Русија е подготвена да помогне во посредувањето меѓу Вашингтон и Техеран, со кои има блиски воени врски.
Сепак, тој исто така посочи дека Москва не е обврзана да му пружи воена помош на Иран во случај на конфликт.
Хамидреза Азизи, експерт за Иран и истражувач во германската тинк-тенк SWP во Берлин, за Newsweek изјави дека иранските лидери се свесни дека во случај на напад на САД, ќе останат сами.