Висок државен службеник, кој побарал да биде  анонимен  споделил пред “Комерсант” дека причината за несреќата на рускиот патнички авион А321 е “предавство на египетските тајни служби”, кои премолчеле некои сознанија.

Од пред неколку дена се инсинуираат  различни информации во руските медиуми дека варијанта за терористички акт не е исклучена и дека  на тоа се смета  и од страна на надлежните органи. Ова беше потврдено и од премиерот Дмитриј Медведев. Западни експерти го коментираа тоа со “подготовка на јавното мислење во земјата за варијантата дека сепак несеќата е терористички акт”.  Засега сеуште официјално не се признава дека терористичкиот напад е причина за смртта на 224 лица кои се наоѓаа во патничкиот авион и истрагата се уште не се води за можен терористички чин. Но мислењето на руски високи функционери веќе е различно и веќе причината се поврзува  со неуспехот на тајни служби на Египет. Неофицијално се вели дека инспекторите веќе ги проверуваат и информациите дека на летот на А321 биле инфилтрирани  други лица пред летот.