Судот во Москва во вторникот го осуди Навални на три и пол години затвор за кршење на претходната условна казна, игнорирајќи ги повиците на Западот и демонстрантите да го ослободат.
Додека судот размислуваше, неговите приврзаници се обидоа да се соберат, а подоцна протестираа на улиците против одлуката на судот. Властите затоа затворија некои станици во метрото и уапсија 1.400 лица.
Сојузниците на Навални велат дека полицијата со тоа ги забранила јавните протести и дека употребила прекумерна сила за да ги разбие.
Кремљ тврди дека реакцијата на полицијата била оправдана затоа што протестот бил незаконски и не бил одобрен. Портпаролот Дмитриј Песков ги обвини следбениците на Навални дека намерно ја испровоцирале полицијата со организирање протест во близина на Кремљ.
„Во изминатите неколку дена се соочивме со повици за незаконски протести, затоа презедовме мерки за да спречиме посериозни последици“, рече Песков.
Западот ја повика Москва да го ослободи Навални, но Русија верува дека станува збор за мешање во нејзините внатрешни работи.
„Хистеријата што ја слушнавме за законското гонење на случајот Навални е невидена“, изјави рускиот министер за надворешни работи Сергеј Лавров.