9
Руската Федерална служба за безбедност соопшти дека отворила кривична постапка против Михаил Ходорковски, критичар на Кремљ кој живее во егзил, обвинувајќи го за создавање „терористичка организација“ и заговор за преземање на власта со сила.
Ходорковски, поранешен нафтен тајкун кој некогаш беше најбогат човек во Русија, отслужи 10 години затвор по обвиненија за измама за кои тој и многу западни земји рекоа дека се политички мотивирани.
Тој беше помилуван во 2013 година и ја напушти Русија. Оттогаш, тој поддржува голем број групи кои се спротивставуваат на рускиот претседател Владимир Путин.