Командантот на силите на НАТО во Европа Филип Бријдлав вчера изјави дека САД треба да имаат подобра разузнавачки информации од Украина и Русија,која најверојатно подготвува нова офанзива таму, искористувајќи ги паузата во борбите, пренесоа АП и Ројтерс.
Американскиот генерал изјавипред сенатската комисија за вооружени сили, дека ситуацијата во Украина е нестабилна и несигурна и повика Конгресот да придонесе за зголемување на разузнавачкиот потенцијал на САД со цел да бидат препознаени подобро намерите на претседателот Владимир Путин во регионот.
“Општо земено, руските воени операции во Украина и регионот минатата година покажаа дека има критични празнини во нашето собирање и анализа на разузнавачки информации “, рече тој. “Некои руски воени вежби не изненадија, а нашето темелно познавање за руската интервенција по копно во Украина беше доста ограничено”, рече тој. Според зборовите на генералот бројот на разузнавачките агенти специјалисти на Русија е намален по крајот на Студената војна и разузнавачки потенцијал од сите негови варијанти бил префрлен во војните во Авганистан и Ирак. “Не можеме да бидеме целосно сигурни што ќе направи Русија во натамошниот и не можеме целосно да ги прочитаме намерите на Путин “, констатира Бријдлав. “Руските сили ја искористија можноста дадена од затишје во борбите за да се приспособие и репозиционира , задржувајќи го стекнатото”, продолжи генералот и заклучи:
“Многу од нивните активности се компатибилни со подготовка за нова офанзива”. Русија се стреми да воспостави повеќе контрола врз сепаратистичките борци, и се засилуваат под нивната команда , “бидејќи имало разногласие во некои од претходните напади”, рече пред сенаторите Бријдлав. Според него “сега гледаме дека добро да се спознава рускиот елемент во командата и контролата во источна Украина”. “Команда и контрола противвоздушна одбрана, поддршка за артилеријата, сите овие работи се подобрија и ги направија сепаратистите покомпактна и организирана сила “, рече командантот на силите на НАТО во Европа.