Русија: Поведена постапка поради претепувањето на руската новинарка во Чеченија

Во Русија е покрената кривична постапка за нападот на новинарката Јелена Милашина и адвокатот Александар Немов во Чеченија.

Како што е објавено на Телеграм каналот на Истражниот комитет на Руската Федерација (ТФР), тоа дело е оквалификувано како намерно нанесување телесна повреда.

Во соопштението се наведува дека истражната група во моментов спроведува серија истраги „со цел да се идентификуваат инволвираните во тоа злосторство и да се разјаснат сите околности на инцидентот“, пренесува „Интерфакс“.