Руските сили освоиле населено место во Днипропетровската област во Украина, што е првата локација преземена од Русија во овој регион, што значи и голема победа и психолошки удар за Украина, известија руската државна новинска агенција РИА и проруски блогери.
Според наводите, Русите го освоиле селото Дачноје, првото населено место во Днипропетровската област, и „го изгониле непријателот“. Од украинските власти или од руското Министерство за одбрана засега нема потврда за ваквите тврдења.
The village of Dachnoye has been captured by advancing Russian forces. This is the first settlement liberated in Dnepropetrovsk oblast.
Using the DeepState map for illustration. They're still coping with a lot of "grey zone". pic.twitter.com/z8VYl85uKm
— Russians With Attitude (@RWApodcast) June 30, 2025
Пред три седмици, руски функционери тврдеа дека нивните сили влегле во источниот дел на Днипропетровската област, но украинските власти тогаш порачаа дека нападот е одбиен.
Днипропетровск се наоѓа западно од Донецката област и не е дел од петте украински региони коишто Русија формално ги смета за свои. Во текот на скорешните преговори во Истанбул, руските преговарачи се заканија дека Русија ќе преземе уште украински територии ако Украина не се согласи на руските услови за примирје.
Русија, инаку, постојано врши бомбардирања и гранатирање на Днипропетровската област, а во еден напад минатата седмица се убиени најмалку 17 цивили, а беа погодени и болници, училишта и патнички воз.