Руски медиумски конгломерат најави платформа за споделување видеа, слична на TikTok.
Како дел од кампањата за намалување на влијанието на странските сајтови и напредните технологии, водечки руски медиумски конгломерат објави ривал на популарната платформа за споделување кратки видеа – TikTok.
„Gazprom Media“ во понеделникот лансираше услуга наречена „Yappy“. Апликацијата е достапна и за Apple и за Android уредите, преку соодветните продавници.
Yappy беше развиена со поддршка на Фондацијата Innopraktika, со бета тестирање започнато во септември, а пред објавувањето беше обезбеден ран пристап за 300 блогери.
Услугата има голем број функции кои се слични на она што го нуди TikTok, а се заснова на споделување вертикални видео клипови со времетраење до 60 секунди.
Русија претходно објави дека планира да создаде сопствена алтернатива на TikTok.
Причината е што апликацијата, заедно со некои други ИТ гиганти од Соединетите Американски Држави, беше нападната поради одбивањето да ги отстрани публикациите против руските власти.
TikTok е една од петте најпопуларни апликации во Русија, со повеќе од 40 милиони корисници на месечна основа. Најпопуларен е VKontakte – руска алтернатива на Facebook – со 70 милиони активни корисници месечно.