Владимир Соловјев, пропагандист на рускиот претседател Владимир Путин, ги повикал Русите да не се плашат од смртта, велејќи дека „животот е многу преценет“ и дека смртта во секој случај е неизбежна. Ова го изјави Соловјев во својата емисија на рускиот државен телевизиски канал „Русија 1“, пишува „Украинска правда“.
– Животот е многу преценет. Зошто да се плашиме од неизбежното? Особено кога одиме во рајот. Смртта е крај на еден земјен пат и почеток на друг. Но, да се плашиш и да дозволиш тоа да влијае на твоите одлуки… – рекол Соловјев.
Гостите на емисијата го поддржале пропагандистот, велејќи дека Русите живееле од ден на ден, но сега имаат „неопиплив сон, повисока цел“.
Пропагандист Соловйов: "Життя сильно переоцінене. Навіщо боятися того, що неминуче? Тим більше, ну, ми ж у рай потрапимо. Смерть – це закінчення одного земного шляху і початок іншого". Уривок з відео з російських ТГ-каналів pic.twitter.com/QCpbTa4Pfc
— Українська правда ✌️ (@ukrpravda_news) January 2, 2023
Според Соловјев, „вреди да се живее само за нешто за што можеш да умреш“.
Тој изјавил и дека руските војници на фронтот во Украина имаат „многу јасно разбирање за што се борат и зошто се борат“, пишува „Јутарњи лист“.
Освен Соловјев, и останатите од друштвото во студиото го повториле наративот на рускиот државен врв дека наводно „се борат со сатаната“.