367
Обезбедувањето на севернокорејскиот лидер Ким Џонг Ун помина неколку минути во дезинфекција на столчето на кое седеше Ким за време на самитот со рускиот претседател Владимир Путин во Русија, пишува денеска „Комерсант“.
Во видеото објавено од медиумот, севернокорејски безбедносен службеник, облечен во бели ракавици, темелно го брише црниот стол наменет за Ким и го прска со неидентификувана супстанца, додека телохранителот кој работи за Кремљ збунето гледа кон него, пренесува Ројтерс.
Друг севернокорејски чувар му дал некаква наредба на обезбедувачот кој го дезинфицирал столот, но не се знае каква наредба.