Рускиот опозициски политичар Илја Јашин во петокот беше прогласен за виновен за ширење „лажни информации“ за армијата, објавија руските новински агенции.
Обвинителите побараа деветгодишна затворска казна за Јашин. Во текот на денот треба да се донесе пресуда.
На Јашин му се судеше поради видео објавено во април на Јутјуб во кое тој разговараше за доказите откриени од западните новинари за руските воени злосторства во Буча и фрли сомнеж врз верзијата на официјална Москва дека таквите извештаи се измислени како „провокација“ против Русија.
Русија донесе нови закони по инвазијата на Украина на 24 февруари, кои предвидуваат затворски казни до 15 години за ширење лажни информации за војската.
Во својата завршна изјава пред судот оваа недела, Јашин директно му се обрати на претседателот Владимир Путин, опишувајќи го како „лице одговорно за овој масакр“ и барајќи од него „да престане ова лудило“.