Рускинките кои ја освоија светската музичка сцена на почетокот на 2000-тите благодарение на нивните хитови во кои пеат за лезбејската љубов го најавија своето враќање.
Станува збор за Јулија Волкова и Лена Катина од бендот t.A.T.u. Еден од нивните најголеми хитови е „All The Things She Said“. Години подоцна, тие признаа дека се преправале дека се лезбејки, односно дека сето тоа било маркетиншки трик.
„Така ја гледав улогата во филмот. Тоа беше мојата улога. Никогаш не бев лезбејка. Никогаш не ме привлекуваше ниедна девојка“, рече Лена во интервју за „The Daily Beast“ во 2013 година.
Членовите на ЛГБТ заедницата ја критикуваа Јулија за тоа што рекла дека ќе го осуди својот син ако е во врска со маж.
„Маж нема право да биде геј. Две девојки заедно не се исто што и двајца мажи заедно. Лезбејките ми изгледаат многу поубаво естетски“, рече таа, додавајќи дека не е против геј луѓето бидејќи тие сепак се „подобри од убијци, крадци и наркомани“.
Тие ја претставуваа Русија на Евровизија во 2003 година во Латвија и го освоија третото место. Имаа можност да настапат и на „The Tonight Show with Jay Leno“.
Нивните песни што беа исто така забележани се „Not Gonna Get Us“, „All About Us“ итн. Престанаа да снимаат во 2011 година. После тоа, само повремено настапуваа заедно.
Неодамна позираа заедно и изјавија на социјалните мрежи дека наскоро доаѓаат многу нови и интересни работи, што би можело да значи дека ќе издадат албум.