Рускиот амбасадор во ОН: Никому не му се закануваме со нуклеарно оружје, тоа е западна пропаганда

РУСИЈА никому не се заканува со нуклеарно оружје, иако западниот печат во својата пропаганда го тврди спротивното, изјави денеска постојаниот претставник на Руската Федерација во Обединетите нации – Василиј Небензја.

– Кога станува збор за нуклеарна војна, спијам мирно, бидејќи знам дека не бараме нуклеарна војна и не сме се заканиле со нуклеарна војна. Целиот овој наратив дека Русија му се заканува на светот со нуклеарно оружје е дел од западната пропаганда, рече Небензја, цитиран од ТАСС.

Небензја потсети дека Русија долго време постојано потсетува дека нуклеарната војна не е дел од руската воена доктрина, која предвидува многу малку конкретни случаи во кои може да се користи нуклеарно оружје.