Рускиот патријарх ја откажа посетата на Казахстан, требаше да се сретне со папата

Патријархот на Руската православна црква Кирил ја откажа посетата на Казахстан, каде што требаше да се сретне со папата Франциск.

Шефот за надворешни работи на Руската патријаршија, митрополитот Антониј, потврди дека Кирил нема да присуствува на состанокот од 13 до 15 септември и дека поради тоа е исклучена каква било средба со папата Франциск.

Кирил ја поддржува руската инвазија на Украина, нарекувајќи ја „метафизичка“ борба со Западот.

Тој ги благослови Русите што одат во војна и ја застапува идејата дека Русите и Украинците се еден народ.