Руските авиокомпании ќе си ги задржат авионите што ги изнајмиле во странство

Сè уште не се знае што ќе биде со стотиците авиони што руските авиокомпании ги изнајмија од странски компании, откако рускиот претседател Владимир Путин потпиша закон со кој им се дозволува на компаниите да ги регистрираат тие авиони и да продолжат да летаат со нив.

Руските државни медиуми објавија дека новиот закон ќе им овозможи на руските авиокомпании да ги користат тие авиони во Русија.

Некои од тие авиони биле изнајмени и од Ирска, членка на Европската унија (ЕУ).

Минатиот месец ЕУ забрани продажба и издавање авиони на Русија, што е дел од санкциите воведени кон Русија поради инвазијата на Украина.

Компаниите добија рок до 28 март да ги раскинат сите договори со руската страна.