Скорешната интервенција на Русија во Сирија влијае добро на “Хезболах”. Групата, поддржувачка на силите на претседателот Башар ал Асад, напредува и учи многу од руската армија.

Руската едукација на “Хезболах” може да заврши со крајот на сирискиот конфликт, но нивното влијание ќе се почувствува во целиот регион, пишува Александер Корбејл во анализа за центарот “Карнеги”.

“Хезболах” одамна се докажа како напредна и флексибилна сила. Кога влезе во Сирија во 2012 година, таа брзо почувствува дека тактиката нејзина тестирана против израелската армија, не врши работа против бунтовниците, кои беа свесни за локалниот терен.

Четири години подоцна групата го смени начинот на кој војува, и продолжува да помага на режимот во Дамаск, веќе научена од новиот моќен сојузник – Русија.

Аврамопулос: Веќе не целиме да се обединуваме, туку само да ја контролираме ситуацијата

Москва интервенира во земјата на претседателот Башар ал Асад во септември 2015 година, свртувајќи го текот на војната. Тогаш изгледаше како падот на владата е прашање на време, но од почетокот на јануари силите на претседателот, поддржани од Русија и “Хезболах”, нанесоа голем број тешки удари на непријателските сили.
Тие го вратија гр. Салма – последниот бастион на револуционерите во провинцијата Латакија, а потоа зазедоа и некои градови во провинцијата Дара, отсекувајќи ги противниците таму со бунтовничките градови во регионот околу Дамаск.

Во почетокот на февруари владините сили ја разбија опсадата на шиитските градови Нубл и Захра кои се наоѓаат по основниот доставувачки пат меѓу освоениот од бунтовниците Алепо и турската граница. Веројатно силите на Асад сега ќе го опкружат Алепо и ќе се обидат да ги уморат од глад џихадистите.

Иако командантите на групата тврдат дека добиле оружје од Русија, нема потврда на нивните зборови, а западни дипломати и аналитичари сметаат дека Москва не би се заканила на тој начин за врската со Израел.

“Хезболах” повеќе се учи како една армија од светска класа собира информации, планира и извршува операции. Работата рамо до рамо со руските војници сигурно ќе ја подобри модерната воена стратегија на групата, а имајќи предвид дека таа има 6000 до 8000 борци во Сирија и Ирак, новите знаења најверојатно ќе се размножат меѓу сите нив.

Израелската армија смета дека интеракцијата помеѓу “Хезболах” и Москва ќе ја намали шансата терористичката група да ја нападне еврејската држава во блиска иднина. Но новите теоретски знаења и способности за посложени операции можат да ја направат “Хезболах” поопасна понатаму.

Во самиот Либан групата ќе продолжи да има воена предност пред армијата и тоа ќе ги зајакне нејзините аргументи дека е единствена сила, способна да ја заштити државата од израелската агресија и заканата на радикалниот сунизам.