Руските сили ослободиле село окупирано од Украинците во областа Курск

Руската армија денеска соопшти дека ослободила село во руската погранична област Курск, каде што украинските сили напредуваат од 6 август.

Откако „ја вратија контролата над селото Крупец“, руските сили „продолжуваат да ги потиснуваат“ украинските сили, објави руската армија.

Тоа е прв пат од 6 август руската војска да објави дека повторно освоила едно од селата заземени од украинските сили.

На 6 август тие го нападнаа регионот Курск, изненадувајќи ги руските трупи. Тоа е прво продирање на странска војска во Русија по Втората светска војна.