Руското Министерство за одбрана соопшти дека животите на украинските сили, кои се уште се борат во Мариупол, ќе бидат поштедени доколку го положат оружјето во 6 часот наутро по московско време, пренесе агенцијата ТАСС.
Русија претходно соопшти дека ги исчистила од отпор сите урбани области во Мариупол. Останатите борци во опколениот пристанишен град – за кои Русија вели дека се и украински и странски – се блокирани во фабриката за челик Азовстал.
ТАСС го цитира генерал-полковник Михаил Мизинцев, директор на рускиот Национален центар за управување со одбраната, кој вели дека понудата на Москва е поттикната од „катастрофалната ситуација“ во фабриката, како и од „чисто хуманите принципи“.
„Гарантираме дека животите на сите кои ќе го положат оружјето ќе бидат поштедени“, рече тој.
Според условите на предложениот договор, преостанатите ветерани во фабриката ќе ја напуштат во периодот од 6 часот наутро до 13 часот по полноќ (по московско време) без оружје и муниција.
На ултиматумот од Киев нема веднаш реакција.