Саакашвили уапсен во Грузија, може да добие најмалку девет години затвор (ВИДЕО)

Премиерот на Грузија, Иракли Гарибашвили, изјави дека поранешниот претседател на таа земја, Михаил Саакашвили, е уапсен.

Како што објасни, тој бил уапсен и префрлен во затворската единица во Тбилиси.

Медиумите исто така пренесуваат дека на Саакашвили му се заканува најмалку девет години затвор.

Претходно, грузиското Министерство за внатрешни работи објави дека Саакашвили не ја минал украинската државна граница и не дошол во Грузија.

Поранешниот грузиски претседател, сепак, објави видео порано денеска, во кое тој тврди дека е во грузиски Батуми.