На американските технолошки компании кои добиваат федерално финансирање ќе им биде забрането да градат објекти за „напредна технологија“ во Кина во следните 10 години, соопшти администрацијата на Бајден.
Насоките беа претставени како дел од планот од 50 милијарди долари (43 милијарди фунти) за изградба на локална индустрија за полупроводници.
Мерката беше усвоена како дел од политиката за намалување на економската зависност од Кина.
Кинеската амбасада во Вашингтон смета дека тоа е во духот на „менталитетот на Студената војна“.
Американските компании кои произведуваат напредна технологија, првенствено микрочипови, нема да смеат да отвораат фабрики во Кина во следните десет години, бидејќи САД го усвоија Законот за чипови и наука.
Целта на таа мерка е да се спречи понатамошна економска и поконкретно технолошка зависност од Кина, јавува Би-Би-Си.
За кои технолошки компании се однесува оваа мерка?
Одлуката се однесува на компании кои добиваат средства од федералниот буџет за нивното истражување и работење.
Тоа е дел од владиниот план за зајакнување на американската индустрија за полупроводници во која САД инвестираат 50 милијарди долари.
До 1990 година, 40 отсто од светското производство на микрочипови доаѓало од САД, додека денес е намалено на само 10 отсто.
Микрочиповите се најважниот дел во сите модерни уреди, од мобилни телефони до автомобили, а нивниот недостиг предизвикан од затворањето на фабриките во Кина поради пандемијата ја продлабочи економската криза.
Американскиот секретар за трговија Лиза Рајмондо најави дека во следните десет години американските компании нема да можат да земаат средства од федералниот буџет, а потоа да ги користат за префрлање на производството во Кина, што е поповолно во овој поглед.
Како оваа мерка ќе влијае на компаниите кои веќе работат во Кина?
Ставот на САД е дека со преместувањето на производството во Кина, американските компании директно влијаеле на порастот на кинеската конкурентност во високите технологии, што не само што го загрозило економскиот примат на САД, туку и националната безбедност, бидејќи полупроводниците се користат во модерното оружје.
Исто така, широко се сомнева дека Кина ги следи САД и нивните сојузници преку своите технолошки производи, особено оние кои се вградени во компјутерските мрежи.
Првата реакција дојде од кинеската амбасада во Вашингтон, која оцени дека станува збор за мерка по „менталитетот на студената војна“.
Аналитичарите сметаат дека овие мерки силно ќе влијаат и на кинеските и на американските компании кои таму развиле производство и дека не треба да очекуваме брзо закрепнување на пазарот на микрочипови.