САД тврди дека договорот за минералите не содржи безбедносни гаранции за Киев

Планираниот договор меѓу Вашингтон и Киев за пристап на САД до украинските наоѓалишта на ретки минерали во Украина не содржи безбедносни гаранции за Украина, изјави денеска американскиот министер за финансии Скот Бесант.

„Очекувам претседателот (на Украина) Володимир Зеленски да го потпише (договорот). Не вклучува воени гаранции. Но, тоа вклучува гаранции за активни инвестиции од страна на САД во економската иднина (на Украина). Јас тоа го нарекувам гаранции за економска безбедност“, изјавил тој за „Фокс њуз“.

Според Бесант, овој договор е дел од преговарачката стратегија на американскиот претседател Доналд Трамп за решавање на украинскиот конфликт и „враќање на Украинците во мирен живот“.